السلام عليكم
مشكلتي أني دائم بهتم كتير بالارقام وبحاول أحسبها كتير ووجع راسي فيها
وهلمرة رح وجع راسكم معي
الكل صار بيعرف بالارقام المعلنة من قبل وزراة الصحة حول انفلونزا الخنازير ويلي بتأكد وجود 7 وفيات بالمرض من بين أكثر من 150 حالة
فلو حبينا نحسب نسبة الوفيات عنا بسوريا عنا 7 وفيات من أصل 150 إصابة يعني النسبة 4.66%
أما النسبة العالمية للوفيات فهي تتراوح بين 0.3% وَ 0.7% فقط أي كل 1000 إصابة فيها 7 وفيات أما عنا ال 150 إصابة فيها 7 وفيات
يعني ببساطة نحنا أكبر من الحد الاعظمي للوفيات العالمية ب 6 أضعاف
ولو أخدنا الاردن مثلا أقرب الدول ألنا وتقريبا نفس المناخ صحيح فيها 7 وفيات ولكن عدد الاصابات بلغ 2217 وبالتالي النسبة 0.31%
فشو سبب هي النسبة العالية بمقارنة بالنسبة العالمية أنا برأيي أمر من أمرين :
1- وجود عدد كبير كتير من الاصابات الغير معلن عنها أو غير المكتشفة حتى وبالتالي بتكون النسبة الحقيقية مقاربة للنسبة العالمية .
2- الاهمال الكبير للمرضى وعم تقديم العلاج الكافي أو التأخر في تقديمه (وهذا ما حصل مع حالة وفاة المرأة الحامل) مما يسبب الوفاة .
يمكن كتير من الناس عم تنصاب بأنفلونزا الخنازير ولكن هي عم تفكر إنها انفلونزا عادية أو كريب
وطبعا شعبنا لمى بينصاب بالكريب او الرشح مابروح ع الدكتور
وبيعمل لحالو دكتور وبيوصف لنفسه الدوا وبيروح بيصرف الراشيته تبعه من عند الصيدلي وهيي دوا التهاب (طبعا العيار حسب تقدير المريض )و دوا للرشح وأذا حب يرفه حالو شوي بجيب معو فيتامين C
وبضل عم يحارب الكريب لأخر لحظة ولمى بييأس من الموضوع وقتها بس بقرر يروح لعند الدكتور
وساعاتها أذا كان مصاب بإنفلونزا الخنازير لاسمح الله رح يكون وصل لمرحلة متقدمة من المرض
وبما أنو الوقت هلأ هو وقت الكريب والرشح فخلينا ننتبه على حالنا شوي
ونحاول نعرف أكتر عن اعرض المرض يلي صارت معروفة للجميع
وعنا بالمنتدى في مواضيع مهمة كتير ممكن نستفاد منها متل :
نصائح وصور توضح مرض انفلونزا الخنازير والوقاية منه .. هام جدا جدا
انفلونزا الخنازير-الوباء القادم ادخل لتعرف عنه
باي باي انفلونزا الخنازير
وكمان فيكم تتصلو على رقم وزارة الصحة وتستفسرو عن المرض أكتر وأكتر الرقم هو 3310401-011
وإن شاء الله الله بيبعد هلمرض وكل الامراض الخبيثة عنا جميعا