من سيربح المازوت؟؟؟؟؟؟

عزيزي المواطن (السوري) أهلا بك في برنامج من سيربح المازوت و نرجو لك التوفيق :


عليك الإجابة على الأسئلة التالية بنعم أو لا ... علماً أن كل سؤال تجيب عليه يخولك ربح ليتر من المازوت تقدمة شركة الثروات السورية المنهوبة المساهمة المغفلة


السؤال الأول :
هل تملك أكثر من غرفة : إذا كان لا ستربح ليتر آخر من المازوت و اذا كان نعم ستخسر لان وجود أكثر من غرفة يعني انك تملك غرفة ضيوف و بالتالي ستقوم بعزيمة الناس إليها و تقدمة الضيافة لهم وبالتالي مصاريف عالفاضي ستؤثر على الاقتصاد الوطني و أصلا هذا يعني انك مبحبح ماديا يخرب بيتك و لسا بدك دعم يا حرامي يا عديم الاحساس

السؤال الثاني:
هل تأكل أكثر من وجبة باليوم : اذا كان لا ستربح ليتر آخر و إذا كان نعم ستخسر لان تناول الطعام الزائد يؤدي إلى تكديس طبقات من الدسم تحت الجلد تغني عن التدفئة بالمازوت.

السؤال الثالث:
هل تمارس المشي كنشاط رياضي : إذا كان لا ستربح ليتر آخر و إذا كان نعم ستخسر لان النشاط الرياضي يحتاج إلى عملية حرق للسكر و عملية الحرق تحتاج إلى مازوت و بالتالي ستقوم بصرف المازوت لغايات غير التدفئة يا ملعون وين رايح مفكر حالك أذكى منا.

السؤال الرابع :
هل تملك أكثر من بطانية : إذا كان لا ستربح ليتر آخر و إذا كان نعم ستخسر و من شو بيشكي الدفا تحت البطانيات و ليش عندك أكتر من بطانية ... شو محسب حالك ساكن بسيبيريا

السؤال الخامس:
هل تملك صوبيا : إذا كان لا ستربح ليتر آخر و إذا كان نعم ستخسر لأنك صاحب أملاك ما شاء الله حولك ،الله يرزقك و ذكرنا نطبق عليك ضريبة الرفاهية يا مسرف يا امبريالي يا عديم الانسانية

السؤال السادس:
هل تملك أكثر من جراب صوف واحد و بما لا يتجاوز الاثنين ( شريطة أن تكون الفردة اليمين أو اليسار للزوج الثاني من الجوارب مبعوجة و طالع أصبعين منها على أقل تقدير) إذا كان الجواب لا ... فألف ألف مبروك ربحت معنا لترين و نص مازون تقدمة سيريا تل مع علبة كبريت الفرس تقدمة خطوط أجنحة الشام الدولية ... إما إذا كان الجواب نعم ... فما رح نقلك شي بس : تـفو عليك

إذا استطعت الإجابة على كل هذه الأسئلة ستنتقل معنا إلى برنامج من سيربح الكهرباء و إلى اللقاء في الحلقة القادمة مع كل جديد .

فاصل و نواصل بعد أغنية أنا سوري آه يا نيالي ...

مع تحيااات zahr albanafsj

هههههههههههه هلي حلوة بس ديري بالك على حالك لا يروحوا يعفطوك و يوخدوك على بيت خالتووو و بعدين مين رح يحط مواضيع حلوة

شكرا ع الموضوع الحلو
بس هاد الواقع
وتبع انو عندك صوبيا كتير حلوة
يعني ازا ما عندو صوبيا لشو بدو
المازوت يعني شلون بدو يدفي حالو
بمازوت ع الحل
شـــــــــــــــــكــــــــــــــــرا

لا يا يوسف نحنا بلد ذو تفكير بعيد مو محدود (ولو مو انت سيد العارفين) يعني ممكن بدو المازوت مشان يحرقلو شي حدا بما انو المازوت مادة قابلة للاشتعال
وبعدين نحنا قصدنا انو اللي عندو صوبية هو انسان غني كتير زنكييل بكوش مصاري بالكريكات ما شالله علي فمشان هيك ما في داعي ياخد مازوت ع حساب الدولة شو الشغلة سرقة عينك عينك

اوخ اوخ اوخ والله الامور متأزمة عندك وصايرة عم تنزلي مواضيع انا بفرجيك بس شو هالموضوع الحلو يا zahr

اهلين فيك ساندي نور الموضوع
وبعدين اي لكن انا صحيح ما بنزل مواضيع كتير بس لما نزل بعجبكو وشكرا على مرورك

بلا المازوت و خلينا على الكهرباء مشان يؤثر على الاقتصاد الوطني عالمزبوط

شكراااااااااااا
المسابقة الجاي من سيربح البانزين

يظهر انهم سيغلغون المنتدى بسببك يازهرة البنفسج
والله اكون بعون المشرف على المنتدى كيف سمح بمرور هاذ الموضوع
انصحكم بعدم تداول هذا الموضوع وحذفه من المنتدى وعدم نشره
لان الحقيقة غير ذلك
فهنك عشرات الاف من العائلات الميسورة لاتستحق الدعم
وهذه الطريقة قد تحقق شيء من العدالة ولكن يجب تعديل طريقة التنفيذ

مسا الخير شباب اول شي شكرا عالموضوع الحلو وثاني شي لا توخذوا و تعطوا كثير بالموضوع يعني هي نكتة وبس