قضية قتل _____________ مشان البيتزا

هو:
بدي اطلب بيتزا .. بدك شي؟'

هي:
'لا.'

هو:
'اوكي.'

هي:
'و لا قلك ..؟'

هو:
'شو . بدك اطلب لك كمان؟'

هي:
مالي عرفانة.'

هو:
'موعرفانة اذا بدك شي؟'

هي:
'لا.'

هو:
'انتي جوعانة؟'

هي:
'يعني .'

هو:
'شو يعني يعني...؟'

هي:
'يعني معناها مو متأكدة اذا كنت جوعانة او لا.'

هو:
'الواحد لما يكون جوعان بيعرف'

هي:
'مهو يمكن جوع بعدين'

هو:
'معناها اطلب لك بيتزا.'

هي:
'طيب و اذا ما كنت جوعانه وقتها..؟'

هو :
'ما تاكلي.'

هي:
'بس هيك بيكون تبذير'

هو:
'طيب . بتاكليها بكرة.'

هي:
'و اذا ما كان الي نفس آكل بيتزا بكرة؟'

هو:
'هاي ما بدها نفس .. الواحد بيقدر ياكل البيتزا كل يوم '

هي:
'انا لا .. ما باكل بيتزا الا لما يكون عندي نفس للبيتزا.'

هو:
'معناها بطلب لك شي تاني'

هي:
'بس انا ما بدي شي تاني'

هو:
'يعني بدك بيتزا؟.'

هي:
'لا.'

هو:
'يعني ما بدك شي؟.'

هي:
'مبلى.'

هو:
'جننتي سمايي شو بدك؟'

هي:
'اطلب انت لحالك..'

هو:
'اخيرا .. ماشي..'

هي:
'بس اطلب بيتزا بالتونا'

هو:
'بس انا ما بحب التونا.'

هي:
'بس انا بحبها.'

هو:
'هو انا بدي اطلب الي و لا الك...؟!'

هي:
'الك طبعا.'

هو:
'طيب و ليش بالتونا...؟'

هي:
'يمكن جوع لما يوصل الاكل'

هو:
'و شو يعني؟'

هي:
'بالله؟ شو يعني فكرك آكل شي ما بيعجبني؟'

هو:
'ليش هو انتي بدك تاكلي؟'

هي:
'ليش لا ؟'

هو:
' يا مثبت العقل و الدين .. هلأ انا لازم اطلب بيتزا الي , مشان ا نتي تاكليها اذا كنتي جوعانه؟؟'

هي:
'ايه.'

هو:
'و انا شو بدي آكل؟'

هي:
' مهو يمكن ما كون جوعانة...'

ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس

ههه شكرا لايت أوف رايت

شكرا محمد حلوة كتير

مشكوووووووووووووووووووور حلوة

ههههههههههههههههههههههههههههههههههههههههه
حلوة يسلمو ايديك

ههههههههههههههه شكرا حلوة كتييييييييير

ههههههههههه حلوة وملعوبة يسلموا

» برنامج كسر البروكسي مشان الدخول عل الفيس بدو